Академик Абдулменаф Беџети на пристапната беседа во Македонската академија на науките и уметностите одржана вчера изјави дека е загрижен за нивото на скриениот долг кој не се соопштува јавно, како и дефицитите во пензискиот и особено во здравствениот фонд, пишува Утрински весник.
-И ММФ повеќе пати има нагласено дека процесот треба да се отвори транспарентно и да се види колкав е таканаречениот скриен долг, кој не е евидентиран, а е направен“, рече Беџети, додавајќи дека објавувањето на податоците за вредноста на „Скопје 2014“ е за поздравување, но дека тоа е само една димензија на проблемот со јавната потрошувачка и со сличен отчет треба да излезат и другите министерства.
Беџети смета дека е неопходна строга и конзистентна фискална политика, која ќе ги следи економските, а не политичките циклуси, како и за поголема транспарентност во трошењето на јавните пари.
Не загрижуваат моменталните состојби, туку трендовите со висината на јавниот долг и буџетскиот дефицит порaча академик Абдулменаф Беџети .
Македонија, како што рече Беџети, е единствената во регионот и пошироко која во последните пет години со такво темпо го зголемува учеството во домашниот бруто- производ на јавниот долг и на буџетскиот дефицит.