„Да ве прашам нешто. Дали мислите дека постојат вонземјани? Дали мислите дека и тие се занимаваат со спорт? Пријатели, одговорот на двете прашања е потврден. Синоќа ме посетија вонземјани и ми рекоа дека сакаат да играат фудбал против нас. Проблемот е што доколку изгубиме, ќе ја уништат планетата“, вели фудбалската легенда Франц Бекенбауер по повод мистериозните фигури кои се појавија во светот на фудбалот.
-Наше е да го составиме тимот кој ќе победи. Само фудбалот може да ја спаси Земјата, надополнува Германецот.
>> Откриена мистеријата – „Адидас“ кампања за СП 2014?
Засега никој не знае што точно се случува, освен фактот дека е поврзано со фудбалот. Според светските медиуми, мистериозниот симбол во Рио де Жанеиро, Лондон и Њујорк, и луѓето кои присуствуваа на натпреварите на Алианц Арена во Минхен, на Стемфорд Бриџ во Лондон, и на Јувентус стадионот во Торино, се дел од новата маркетинг кампања на „Адидас“ пред претстојното Светско Првенство во Бразил.
Други тврдат дека за мистериозните пораки е одговорен јужнокорејскиот „Самсунг“.