Белгискиот крал Алберт Втори во пресрет на утрешното абдицирање повика на единство во својата земја која е јазично поделена.
Во неговиот проштален говор, тој истакна дека сплотеноста мора да биде зачувана и нагласи дека тоа е клучно за високиот животен стандард во Белгија.
Со својот говор 79-годишниот монарх, акцентот го стави врз компромисите кои ја зачуваа Белгија од потпаѓање под сепаратистичките сили и покрај засилената поделба меѓу шесте милиони Фламанци на северот од земјата, кои зборуваат холандски јазик, и 4,5 милиони Валонци на југот, кои го зборуваат францускиот јазик.
Во своето 20-годишното владеење со земјата, кралот упорно работеше на стеснување на оваа пропаст, забележуваат американските медиуми.