Белгија се подготвува да легализира сали за консумација на дрога како што тоа го прават повеќе европски западно-европски земји. Градоначалникот на Лиеж во Белгија Вили Демејер поднесе два законски предлози чија цел е заштита на луѓето кои употребуваат дрога и подбрување на редот во градот.
Првиот предлог се однесува на легализација на ткнр. сали за консумација каде што токсикоманот може да зема дрога но под контрола на медицински персонал и во хигиенски услови, а вториот на асистиран третман со диацетилморфин за токсикоманите кои се резистентни за други третмани како метадонот.
Салите за консумација се дебатираше во Белгија уште од 1990 година. Потоа беше отворена повторно за време на локалните избори во 2012 година. Градот Лиеж би сакал да почне со овој проект, но без закон може да добие кривична пријава затоа што употребата на дрога во Белгија е забранета.
Оттука градоначалникот на Лиеж смета дека е потребно легализирање на овие сали кои веќе функционираат во 56 европски градови. Швајцарското искуство е најспектакуларно со тоа што помеѓу 1991 и 2009 година намален е на половина бројот на смртни случаи од предозирање.
Вакви сали има во Холандија, Франција, Шпанија, Германија, Данска.
Демејер вели дека ја има поддршката на неговата социјалистичка партија. Засега единствената партија која му се противи на законот е демохристијанската ЦДХ која смета дека ова е прв чекор кон легализирање на тешките дроги. Партијата смета дека треба повеќе да се вложува во превенција.
Според приврзаниците на идејата таа е добра затоа што ќе овозможи да се намали бројот на предозирани лица и со тоа случаи на смрт или болести како сидата, намалување на употребата на нечисти игли или подобро одржување на уличниот ред во деловите на градот каде што се собираат токсикомани.