Белгискиот пратеник Бернард Весфал е осомничен за убиство на неговата сопруга која беше откриена мртва во еден хотел во Остенде во четвртокот навечер.
Весфал беше обвинет за убиство и притворен, јавуваат белгиските медиуми.
Парот престојувал на неколку дневен одмор во Остенде на белгиската морска обала. Во четврокот вечерта Весфал ја повикал рецепцијата на хотелот и рекол дека неговата сопруга само самоубила. Тој прецизирал дека се разбудил од попладневната дремка и ја нашол мртва во купатилото на хотелската соба. Помошта која веднаш пристигнала можела да констатира само смрт.
Сопругата на пратеникот според сведочењата страдала од депресија. Пратеникот тврди дека истиот ден имале кавга и дека неговата сопруга земала многу лекови поради болеста.
Таа долго години била новинар а потоа преминала во здравствениот сектор како портпарол. Парот се венчал пред една година.
Во саботата е направен аутопсија на жртвата и заклучокот е дека причината за смртта е насилна. Верзијата на Весфал очигледно не ја убедила полицијата во вистиноста на неговите зборови а верзијата на аутопсијата ги потврдува сомнежите на истрагата.
Весфал, 55 години, е политичар од редовите “Еколо”, зелената партија која тој ја напушти неодамна за да основа нова левичарска партија.