Националната агенција за безбедноста во САД (НСА) веќе две години ги прислушкува меѓународните телекомуникации кои белгиските граѓани ги прават преку националниот оператор Белгаком, јавија денес два дневни весници во Белгија, Де Стандард и Ле Суар.
Белгаком одлучи да спроведе истрага по откритијата на Едвард Сноуден кој откри дека НСА ги прислушкува телекомуникациите во целиот свет. За оваа цел беше ангажирана една холандска агенција, специјалист во оваа област, која заклучи дека сомененијата се веродостојни и дека открија “malwares“ на инфраструктурите на Белгаком. Предмет на интерес биле главно повиците со Јемен, Сирија и други држави кои САД го смета за “непријателски”.
Експертите на Белгаком овој викенд го исчистиле системот а Белгаком одлучи да поднесе тужба во белгискиот суд.
Според судската истрага покажано дека за хакингот биле користени средства кои бараат значаен ангажман на финансиски и логистички средства. Сето тоа наведува на помислата дека зад упадот стои државна меѓународна операција на шпионажа.
Истрагата тврди дека не станува збор за саботажа или акции кои можат да направат економски и други штети туку за собирање стратешки информации. Експертите и судот засега на откриваат за кого се работи поради тоа што истрага е во тек.
Белгискиот премер Елио Ди Рупо сабајлево изјави дека “ако информатичката шпионажа се потврди, владата ќе преземе соодветни мерки”.