БиХ: Кражба во златарница – полицијата возврати и уби едно лице

Калесија: Во пукотница што се случила рано утрово во градчето во Босна и Херцеговина, еден од ограбувачите на златарница е застрелан, а како што дознава порталот „Аваз“, тој е пронајден мртов.

Откако се обиделе да ограбат златарница, сторителите пукале кон полицајците и избегале од местото на настанот.

Починатиот разбојник наводно бил исфрлен од автомобилот од другите сторители.

Во градот Калесија моментално е во состојба на опсада, а бројни полициски сили се на терен и трагаат по другите сторители.

Сè уште не е познато дали има повредени лица во автомобилот во кој било пукано.