По една ноќ помината во притвор, Слободан Близнаковски, координаторот на изборната единица 3 и член на Извршниот одбор на ВМРО-Народна партија, за НОВА изјави дека е пуштен на слобода.
Тој синоќа беше приведен затоа што во просториите на неговата матична партија упатил вербални закани кон советничката во општина Велес Рајна Стојанова, но за НОВА вели:
-Никому не сум се заканувал, во тоа време бев на состанок. Очекувам кривична, затоа што крајната цел на власта е да се пресмета со мене, едноставно им бодам очи. После состанокот имаше полициско комбе, ме легитимираа и ме држеа во полициска станица 12 часа, до денеска, до 11 часот а специјално за сослушувањето беа дојдени двајца високи инспектори.
СВР Велес поднесе кривична пријава против Близнаковски и А.З. од Велес, поради основано сомнение дека двајцата вчера и завчера извршиле по едно кривично дело – “Загрозувањена на сигурноста“ предвидено по член 144 од КЗ на РМ, на тој начин што упатиле сериозни закани дека ќе нападнат врз животот и телото на советник во Советот на Општина Велес, како и врз животот и телото на членовите на нејзиното семејство.
Оштетената на Локалните избори одржани оваа година е избрана за советник во Советот на Општина Велес од редовите на политичката партија ВМРО НП. Таа пред три дека при конституирањето на новиот состав на Советот на Општина Велес се изјаснила дека преминува во советничката група на коалицијата ,,За подобра Македонија“.
Поради овој чин вечерта окулу 22,30 часот на нејзиниот телефон и се јавил Близнаковски упатувајќи и повеќе навреди обвинувајќи ја дека за преминувањето има добиено пари, со напомена дека треба да се видат и да го решат проблемот, стои во соопштението од МВР.