На кружниот тек кај ООУ Гоце Делчев во Кавадарци вчера била поставена голема дрвена бочва, јави „КТВ“.
Од службата за односи со јавноста на општина Кавадарци информираа дека оваа активност е дел од подготовките за празникот Свети Трифун и дека бочвата е донација од винарската визба „Тиквеш“.
„Бочвата е со капацитет од 9 илјади литри. Тоа на некој начин е симболот на Кавадарци и Тиквешијата. Бочвата е со тежина од 2 тона. Локацијата за нејзино поставување не е случајна. Таа е поставена на важна сообраќајница, на влезот во Кавадарци од Росоман. Од тука се патува кон Прилеп и кон Скопје“ велат од службата за односи со јавноста.
Од таму додаваат дека бочвата ќе биде симбол на градот кој ќе ги пречекува сите кои доаѓаат во Кавадарци.
