Вечерва со почеток од 20 часот во кино Милениум, во рамките на европскиот филмски фестивал „Хотел Синедејс“, ќе се прикажува филмот „Зенит“ на Далибор Матаниќ.
Хрватскиот режисер Далибор Матаниќ со неговиот „Зенит“ собра многу награди на фестивалите во Кан, Пула, Сарево.
Овој филм е за три различни љубовни приказни, сместени во три последователни децении, во две соседни балкански села, обременети со долго минато на меѓуетничка омраза. Ова е филм за опасностите и за истрајната моќ на забранетата љубов.
Во 22 часот, во кино Милениум програмата продолжува со „Јастогот“ во режија на Јоргос Лантимос.
Филмот на грчкиот режисер Јоргос Лантимос освои неколку награди на Канскиот филмски фестивал, а многумина го сметаат за најсериозниот кандидат за освојување Оскар од неанглиско говорно подрачје.
Во киното Фросина, со почеток од 19 часот, ќе бидат прикажани неколку кратки македонски филмови: „ДЕВОЈКАТА ШТО ПАЃА“ на Владимир Лукаш, „БЕСПЛАТНИ ПРЕГРАТКИ“ на Тамара Котевска, „КАРМА“ на Владимир Митревски, „ЛИМБО“ на Јане Спасиќ, „КОТА 404“ на Маријан Гавриловски, „ПЕПИ и МУТО“ на Георги М. Унковски, „ПОСЛЕДНИ ЧЕКОРИ“ на Стефан Сидовски, „МАМА“ на Лидија Мојсовска, „ДРАГИ АЛЕКСАНДРЕ“ на Марија Макеска, „БРАТ ЗА ЕДЕН ДЕН“ на Стојан Вујичиќ, „КРУЖНО ПАТУВАЊЕ НА МАРЕТО“ на Жарко Иванов и „THE CASE“ на Ивица Димитријевиќ.
Во 21 часот, започнува филмот „Морфин – патување од соништа“ на Марк Шуман.
За во Џебно кино предвидени се проекции на три филма. Се работи за „Жена“ (18 часот), „Заради Пуне“ (20 часот) и „Дарави“ (22 часот).
За повеќе информации за другите делови од програмата на Cinedays за денеска на овој линк.