Заедно со граѓаните и сопствениците на угостителските објекти на кејот покрај Вардар во центарот на Скопје, претседателот на ОО СДСМ Центар, Саша Богдановиќ ги повика скопскиот градоначалник, Никола Груевски и инвеститорот да ја стопираат изградбата на подземната улица.
Богдановиќ вели со тоа практично ќе се уништи шеталиштето по кое Скопје е познато.
– Само сакам да напоменам дека во изминатиот период донесовме една одлука како Општина Центар кадешто законски успеавме да ја спречиме постапката на оваа улица, но сепак со измени на законот градот ни ги одзема ингеренциите во тој дел. Но, не застануваме тука. Во понеделник договоривме заедно со советниците на Општина Центар, вонредна седница, во којашто ќе ги преземеме сите законски мерки со коишто ќе спречиме да продолжи изградбата на оваа криминална улица којашто, знаете дека ја гради познатиот бизнис партнер на Груевски, Александар Ивановски, Алек Тера Нова, којшто беше познат во бомбите, односно во проектот Вистината за Македонија, рече Богдановиќ.
Од инвеститорот Ивело Груп бараат веднаш да престане бидејќи ќе се соочи со одредени санкции којшто следуваат за него.
Богдановиќ го повика и Коце Трајановски да ја повлече одлуката за изградба на оваа улица, односно одобрението за градба, а доколку тоа не се случи, како Општина Центар вели ќе преземат соодветни мерки, а последиците ќе ги сносат лично тие.