Веќе две недели пациентите на Клиниката за онкологија се без неколку вида цитостатици кои се неопходни за нивното лекување. Недостасуваат цитостатици кои имаат широка применува во лекување на сите видови карцином. Пациентите се жалат дека поради недостигот на цитостатици се одложува и хемотерапијата.
„Лута сум и исплашена. Во моето лекување со три вида на цитостатици, едниот го купувам сака бидејќи не оди на позитивната листа на лекови и чини 3 500 евра. Од пред две недели го снема вториот цитостатик, а сега и третиот. Хемотерапијата се одложува. Пациентите се во очај“изјави пациентка која се лекува на Кликата за онкологија, но поради можни реперкусии нејзиното име не сакаше да се спомнува во јавноста.
Директорот на онкологија, Милан Ристевски потврди дека извесно време на Клиниката нема три вида цитостици и најави дека пациентите од понеделник ќе ја добијат неопходната терапија . Тој посочи дека набавките стигнале, а пациетите во текот на деншниот ден ќе бидат известени за одф понеделник за дојдат по терапијата.
„Имаше проблем со добавувачот кој не успеал да донесе и дистрибуира цитостатици. Едниот од добавувачите, второрангираниот на тендерот доби негативна оценка и лековите ќе ги набавува четвртиот рангиран од тендерот“, изјави за НОВА Милан Ристевски директор на Клиниката з аонкологија.
Сепак, пациенти кои денеска повторно се јавија во НОВА, велат дека немаат никаква најава за такво нешто.
„Бев денеска на Клиниката, а докторката само мавташе со глава и рече дека нема информација дека пристигнале цитостатиците, “велат пациентите.
Од друга страна, Ристевски се пожали дека освен со добавувачите на лекови, проблем има и со јавните набавки, односно со Советот за јавни набавки за кои вели дека не го разбираат начинот на правење на набавките со лекови. Во Советот се само правници, нема фармацевт и по четири препукувања се надевам дека конечно работите ќе се средат, рече Ристевки.
Инаку, Клиниката прави комбинирани набавки на лекови, дел ги набавуваат сами интерно, дел се централизирани од Министерството за здравство.