Предмалку заврши средбата Груевски- Борисов, за која единствениот коментар бил на бугарскиот премиер, кој со зборовите идеална, ја оценил ненадејната посета на Скопје, јавува Прес 24.
Според најавите, по оваа средба на врвот, се очекува усогласување на договорот за добрососедство и пријателство. Инаку, посетата на Борисов беше најавена од него, во емисијата на бугарската телевизија Нова „Бугарија зборува“, пренесува Дојче Веле на македонски. Борисов изјавил дека нема ништо тајно во нивната средба и додал дека во телефонски разговор со македонскиот премиер Груевски најавил скорешна средба:
„Не е убаво вака. Со другите премиери во Европа имам по десетина средби, тие доаѓаат во Бугарија, ние одиме таму, комуникацијата е прекрасна. Основниот принцип во Европа е дека ништо не е договорено додека се’ не е договорено. Му реков на колегата – ела, дај да позборуваме малку. Не ни оди на двете држави да бидеме во такви односи, ние треба да бидеме во најнајдобри односи и тоа треба да му го покажеме на народот“. На ова, според зборовите на Борисов, Груевски му одговорил
„Да, но како, кога, медиумите што ќе кажат…?“ „Борисов бил подготвен да дојде: Кажи само кога, покани ме, доаѓам кај тебе, ќе седнеме, ќе поразговараме, треба да им дадеме знаци на луѓето“.