Бостон гневен на магазинот „Rolling Stone“ за последното издание на кое насловната страница „ја краси“ фотографијата на Џохар Царнаев.
>> Бостон: Осомничените се браќа, идентификувани како Чеченци
Жителите и функционерите на градските власти на Бостон се гневни поради новото издание на магазинот Rolling Stone – на насловна страница се наоѓа фотографија на Џохар Царнаев кој е обвинет дека заедно со неговиот постар брат Тамерлан ги поставиле бомбите коишто експлодираа за време на Бостонскиот маратон кога загинаа три лица а 264 беа ранети.
>> Бостон: Осомничениот Царнаев вината ја префрла на братот
Според бостонскиот градоначалник Томас Менино, потегот на магазинот е „срамота”, синџирот продавници „CVS Caremark Corp“ пак ја одби продажбата на овој број, но уредништвото на Rolling Stone, образложи дека нема да го продава тој број „од почит кон жртвите и нивните блиски“.
„Целосна срамота претставува оваа насловна страница. Требаше да биде посветена на преживеаните или на оние коишто први дојдоа на помош. Зошто славиме човек кој создаде хаос во Бостон. Ќе бидам во контакт со издавачите и ќе им кажам што мислам за тоа“, изјави градоначалникот Менино.
>> Во Бостон големи експлозии, се стравува од нов напад
„Не читав, но колку што ја сфатив смислата на написот не била да се иритира, очигледно станува збор за доста добар извештај“, вели гувернерот на сојузната држава Масачусетс, Девал Патрик.
Написот кој Rolling Stone на својата интернет страница го објави во средата открива неколку нови детали за Џохар Царнаев, вклучително и она дека на свој средношколски пријател му рекол дека верува оти терористичките напади можат да бидат оправдани, како и дека својата религија ја смета сериозна.