Двајца демонстранти и еден полицаец се повредени денеска за време на синдикалните протести во Брисел на кои полицијата употреби водени топови и солзавец против насилните групи.
Полицијата тврди дека насилството го предизвикале скинхедси и членови на синдикатот на поморските работници од Антверпен кои фрлале камења кон полицијата.
Повеќе од десетина илјади лица, протестираа во Брисел денеска, на повикот на Европската конфедерација на синдикати, против политиките на штедење и фискална консолидација, а на крајот демонстрациите дошло до судири на протестантите со полицијата
-Нашата порака е јасна, но таа порака не сакаат да ја слушнат европските функционери. Нашата порака е јасна-нивната политика како одговор на финансиската криза не е доволна и дека всушност ја влоши социјалната и економската криза. Политиката на штедење не функционира, порача главната секретарка на Европската конфедерација на синдикати Бернадете Сегол.
Синдикалните челници ги повикаа насобраните на претстојните избори да гласаат за кандидатите кои се заземат за промена на политиките кои сега доминираат во Европската унија.
Повеќе од 26 милиони Европејци се без работа што е 10 милиони повеќе отколку во 2008, а во 18 од 28 земји во ЕУ, опаднаа платите.