„Ги видовме извештаите за оставката на професорот Давитковски, претседателот на истражната комисија. Мислиме дека беше направен напредок и оттука важно е работата да продолжи за да се дојде до заедничко прифатливо решение и препораки како да се оди понатаму“, изјави денеска за НОВА, Петер Стано портпаролот на Штефан Филе, еврокомесарот за проширување на ЕУ.
„Препораките треба да се претворат во акција за да донесат до позитивна политичка агенда. Европската комисија и понатаму ќе продолжи да дава совети и ескпертиза“, порачува Стано.
>>Филе загрижен за имплементирање на договорот од 1 март
Денеска претседателот на Анкетната комисија Борче Давитковски ја депонираше оставката кај претседателот Иванов. Но, не дошло до средба со претседателот – тој едноставно не бил во Кабинетот и не го информирал Давитковски.
>>Не дошло до средба Давитковски-Иванов
Како што е познато, во април Европската комисија најави дека препорачува старт на преговори за Македонија, но таа препорака е условена со резултати од мартовскиот договор помеѓу ВМРО ДПМНЕ и СДСМ, препораката зависи директно од тоа дали ќе се формира анкетната комисија за расчистување на инцидентите од 24 Декември, дали ќе се продолжи дијалогот со новинарите и склучувањето на меморандумот за соработка помеѓу партиите.