Нов вид на корона вирус откриен во британскиот округ Кент предизвикува загриженост затоа што новите мутации би можеле да ја избегнат заштитата обезбедена од вакцината, изјави шефот на британската програма за генетски надзор, професорката Шерон Пикок.
Таа рече дека видот најверојатно ќе се прошири низ целиот свет и дека вакцините што се развиени досега ќе треба да се променат, а не ја исклучува можноста да бидат потребни дополнителни дози, пренесува Ројтерс.
Пикок нагласи дека вакцините засега се ефикасни против британскиот вид, но дека прашањето е дали мутациите би можеле да ја избегнат заштитата што тие ја даваат.
„Загрижувачки е што сојот 1.1.7, кој циркулира со недели и месеци, повторно почнува да мутира, а новите мутации може да влијаат на начинот на кој се приближуваме кон вирусот во однос на имунитетот и ефикасноста на вакцините“, изјави професорката за Би-би-си, додавајќи:
„Загрижувачки е и тоа што 1.1.7, поинфективниот вид што е доминантен во Велика Британија, сега мутира кон нов вид што може да стане закана за вакцинацијата“.
Во Бристол е идентификувана нова мутација на E484K на протеинскиот врв, а досега се откриени 21 случај.
Научниците во моментов се загрижени за три распространети соеви: јужноафриканскиот, познат како 20I / 501Y.V2 или B.1.351, таканаречениот британски вид 20I / 501Y.V1 или B.1.1.7, бразилскиот, познат како П.1.
Британскиот вид е позаразен, но тоа не значи дека е поубиствен, а според професорката, тој ќе продолжи да се шири.
„Штом го совладаме вирусот или тој мутира до ниво каде што не ја развива болеста, можеме да престанеме да се грижиме за тоа. Но, мислам дека ќе го правиме тоа со години. Мислам дека сигурно ќе се занимаваме со тоа уште десет години“, додаде професоркатат.
Исто така, беше објавено дека вакцините на „Фајзер“ и „АстраЗенека“ штитат од британскиот вид.