Бугарскиот премиер, Кирил Петков денеска дојде во Обвинителството на распит за имињата што ги спомна на средба со главниот обвинител Иван Гешев минатата недела.
Петков истакна дека има список со 19 имиња, од кои дел веќе прочитал на брифинг.
– Тоа се имиња кои се информации од јавен карактер, имиња кои добро ги знаете, изјави тој.
– На списокот нема фирми, само поединци.
Обвинителството пред неколку дена соопшти дека на средба премиерот посочил имиња и прекари на лица кои според него се основа на криминалот во таа држава и против кои не се преземени потребни дејствија за да се бара кривична одговорност.