Семејствата на исчезнатите патници од малезискиот авион, повеќе мина Кинези, имаат се помалку трпение, а непроверените информации дополнително ги фрустрираат. За време на обраќањето на официјалните претставници на авиокомпанијата Malaysia Airlines во Пекинг, тие викаа: „Кажете ни ја вистината!“
Прелетаа и неколку пластични шишиња, а роднините на исчезнатите Кинези се обидоа да се пресметаат на малезиските официјални лица.
Поради недостаток на конкретни докази, полицијата разгледува широк спектар потенцијални причини за падот на авионот, вклучувајќи и самоубиство на пилотот и психички проблеми на патниците.
Мобилните телефони од исчезнатиот малезиски авион се уште ѕвонат, но никој не се јавува. Иако според многумина станува збор за грозоморен факт, сепак постои објаснување за начинот на функционирање на мрежата, објавува NBC.
Семејствата се изненадени зошто не се вклучува говорното сандаче, но експертите тврдат дека во некои случаи веднаш се слуша звук на ѕвонење после притискањето на типките за позив.
„Mеѓутоа тоа не значи дека телефонот кој го повикувате ѕвони“, тврди аналитичарот Џеф Каган. Додаде дека после повикот на мрежата во потрага по телефонот, прво се базира на местото каде уредот бил последен пат. После тоа истрагата се проширува, а ако нема резултат повикот престанува.
Истрагата може да биде моментална или да трае неколку секунди. За тоа време телефонот, зависно од моделот, од мрежата и други варијабли, може да ѕвони за да му се укаже на повикувачот на обидот за воспоставување на врска. И додека јавувачот ѕвонењето го слуша четири пати, оној на кој му се јавува може да го чуе само еднo или воопшто ниту еднo ѕвонење.
Ако мобилниот според статусот на работа е ставен на „авион“ или е исклучен, надвор од домет, уништен… мрежата и понатаму земе неколку секунди за да потврди дека е недостапен. Теоријата има смисла ако во предвид се земе видеозаписот на еден кинески информативен канал во која еден член на семејството повикува еден од исчезнатите, ѕвонењето трае само секунда пред прекинувањето на повикот.