Владата на Конго објави дека нејзините сили ги победиле бунтовниците од групацијата М23 на нивните две последни упоришта во источниот дел од земјата во вторникот изутрина.
Според портпаролот на Владата, бунтовниците се предаваат и во воена смисла операцијата за задушување на нивниот отпор е завршена. Тој додал дека Владата во Киншаса очекува дека мировните преговори по покровителство на соседна Уганда наскоро ќе бидат обновени.
Лидерот на М23, Бертран Бисимва претходно во текот на викендот повика на примирје, меѓутоа, цврсто вооружените војници на Конго, со поддршка на силите на Обединетите нации и без реакција од соседна Руанда, ги заземаа во вторникот нивните последни упоришта во провинцијата Северен Киву.
Сепак, аналитичарите предупредуваат дека иако силите на Демократска Република Конго прогласија победа, останале џебови на отпорот на М23 кои во иднина може да им задаваат проблеми.
Групацијата М23 е основана од страна на етничките Тутси, поранешни бунтовници кои беа вклучени во армијата на Конго поп мировниот договор од 2009 година, но во април 2012 година се побудија, обвинувајќи ја владата во Киншаса дека никогаш не го имплементирала договорот