Услугите на Катастарот на недвижности за 50 отсто и приватните геодетски фирми, како и Агенцијата за катастар ќе можат да работат на терен низ целата земја.
Ова денеска го соопшти министерот за траснпорт и врски, Горан Сугарески по средбата со директорот на Агенцијата за катастар и со Комората на приватни геодети.
– Се согласивме дека долната граница на цените на услугите да остане регулирана како и до сега, додека горната граница ќе биде усогласена со пазарните услови. Наша цел е во иднина да се зголемат по потреба таму каде што треба превентивните мерки, а не казните, што беше одлика на претходната власт, рече Сугарески.
На денешната средба е договорено враќање на дел од овластувањата на приватните геодетски фирми, односно наместо Агенцијата за катастар да го има екслузивното право за вршење на теренски работи за потребите на сите општини, геодетските фирми кои ги исполнуваат условите и тие да можат да ги извршуваат овие дејствија.