Вечерва во Битол започнува регионален фестивал за современи уметности „Акто“, кој вклучува визуелни и изведувачки уметности, музика и теорија на култура.
„Час по природа и општество“ е носечката тема на овогодинешниот фестивалот кој се одржува уште од 2006 година.
Во рамки на носечката тема посетителите ќе го проследат кураторскиот проект насловен „Живи библиотеки, архиви на граѓанската непослушност“ на Ивана Васева, Филип Јовановски и Јованка Попова.
Годинава, Фестивалот посветува внимание на учењето, на мислењето, на обидот одново да се препрочита градот, историјата, културата.
Фестивалот ќе понуди голем кураторски проект насловен „Живи библиотеки: архиви на граѓанска непослушност“ на Ивана Васева, Филип Јовановски и Јованка Попова во рамки на кој ќе се направи обид да се изгради библиотека преку собирање и дистрибуирање литература која се однесува на граѓанска партиципација, активност и реакција по пат на донации од индивидуалци, претставници на невладиниот сектор и организации и здруженија кои се согласни да делуваат во насока на градењето на отворено и современо демократско општество.
Покрај тоа ќе има презентации на книги од страна на професори, издавачи, активисти, теоретичари и уметници, а ќе се одржи и работилница за деца насловена „Исцртување поезија, работилница со деца и родители“ со Христина Иваноска и Јане Чаловски од организацијата „Проектен простор прес ту егзит“ од Скопје. Ќе биде прикажано и кореографското деби на Вероника Валдес во продукција на Плесни театар Љубљана. Фестивалот завршува на 11 август.