Даниел Андре Танде триумфира во Гармиш Партенкирхен на вториот натпревар од новогодишната турнеја „Четири скокалници“. Норвежанецот доскокна до 138 метри во првата серија и 142 метра во втората што му беа доволни за премиерна радост на традиоционалниот натпревар во скијачки скокови, вкупно втора во кариерата.
Камил Стох, и покрај најдолгиот скок во денот, мораше да се задоволи со второто место. Полјакот во втората серија „леташе“ 143 метри (за 50 сантиметри не постави нов рекорд на скокалницата), но негативата од 3,2 бода по првото појавување на залетиштето останаа во корист на Танде.
Но, Стох најде причина за задоволство со оглед дека го презеде водството во генералниот пласман на „Четири скокалници“. Досегашниот лидер, Штефан Карфт од Австрија го освои третото место во Гармиш. Ланскиот победник на турнејата, Петер Превц заврши на 11 позиција.
Турнејата „Четири скокалници“ се сели во Австрија каде вообичаено е „второто полувреме“ и промоција на севкупниот победник. На четтврти јануари е закажан натпревар во Инсбрук, на шести во Бишофсхофен.