Тинејџерот М.В. (15) од Подгорица завршил во болница со изгореници откако се запалила експлозивната направа со која сакал да ја нападне Парадата на гордоста, јавуваат српските медиуми.
На инспекторите им раскажал дека самиот ја направил експлозивната направа со која сакал да ги нападне учесниците на денешната геј парада – јавува српски Курир. Како да ја направи научил на интернет, и детално раскажал колку грама од кои материјали искористил во нејзината изработка. Но експлозивниот материјал се запалил и му нанел изгореници по телото.
Повод за намерата за напад била исклучиво геј парадата која денеска за прв пат ќе се одржи во Подгорица – рекло детето во изјавата пред полицијата која ја дало во присуство на родителите
За обезбедување на учесниците на првата геј парада во Подгорица, закажана за денеска , ќе бидат ангажирани околу 2.000 полицајци. Парадата на гордоста“ е една од најризичните манифестации во Црна Гора.
Противниците на парадата упатија повик за одржување протести. Меѓу оние што се пртотиват на одржувањето на геј собирањата е и поглаварот на православната црква Амфилохие.Во јули кога таква парада се одржа во Будва полицијата се судри со анти геј протестантите кои ја нападнаа поворката на геј активистите.
Слична парада на Балканот требаше да се одржи во Србија во септември, но беше откажано од безбедносни причини, поради стравување да не се повтори насилството од парадата во 2010 година.