Одлуката на Брисел првата меѓувладина конференција да се одржи во јануари е историско случување кое го чекаа многу генерецации, а беше цел на многу политички гарнитури, вели премиерот на Србија, Ивица Дачиќ во интервју за РТС. Според српскиот Премиер, Косово нема да биде тема на сите поглавја во преговарачкиот процес, туку само во поглавјето 35.
Дачиќ рече дека високата претставничка на ЕУ, Кетрин Ештон го побарала преку телефон и го известила за едногласната одлука на Комитетот. „Сите земји на ЕУ имаа високи пофалби за се што направи Владата на Србија и земјата воопшто во претходниот период“, вели Дачиќ.
„Одлуката е донесена едногласно, да првата меѓувладина конференција која формално го започнува процесот на преговори, се одржи во јануари, под грчкото претседавање, а најверојатно ќе биде на 21 јануари“, потврдува Премиерот на Србија.
Според него, се работи за една историска цел, и истакна дека со ова се става крај на еден многу тежок почеток.
– Сакам да им се заблагодарам на сите во Владата, и на првиот потпретседател Александар Вучиќ, и секако на претседателот Томислав Николиќ на големиот труд и политичката одговорност која ја спроведивме на највисоко можно ниво и ја доведовме земјата на само чекор до членство во ЕУ, додава Дачиќ.
Тој изрази благодарност и до Ештон во однос на разговорите со Приштина како една од главните теми на патот кон евроинтеграциите.
Освен разговорите Белград-Приштина, другиот страв, соопштува Дачиќ, бил во врска со преговарачката рамка и околу тоа дали би се нашло нешто што Србија нема да може да го оствари.
Во однос на еневтуланите вонредни избори, српскиот премиер вели дека не станува збор за табу тема, но и дека не се приоритет на државата. „Денес кога соопштуваме историски вести, кога сме горди што нашата улога, кога Србија треба да биде горда што за неа во светот се зборува добро, изборите не се приоритет“.
Тој испрати честитки до граѓаните за официјалните почетоци на преговорите за членство во ЕУ.
„Тоа веќе не е само сон или лажно предизборно ветување, туку вистина и реалност“, завршува Дачиќ.