Апел до Србите да излезат и да гласаат на повторните избори на 17 ноември, упати премиерот на Србија, Ивица Дачиќ, истакнувајќи дека станува збор за опстанок. Србите сега се во предност, бидејќи знаат колку од нив треба да излезат на избори за градоначалничкото место на Косовска Митровица да не го заземе Алабанец, порача Дачиќ.
„Како ќе направите така и ќе биде. Немојте утре да кажете дека ние во Белград сме криви“, изјави Дачиќ. „Кој нема да сака, ризикуваме да изгубиме се. Србија од ова не може да се одбрани, и затоа ги повикувам Србите да излезат на избори, не поради нас во Владата, туку затоа што станува збор за нивната судбина и опстанок“.
Тој постави прашање дали некој мисли дека Србија ќе ја загрози својата иднина поради 10 000 луѓе. Српскиот Премиер, праша и кој ќе ги брани ако не Србија и дали тоа би биле ДСС, Двери, Образ, или навивачките групи.
Дачиќ напомена дека пред ова, Србија на Косово немала ништо освен принципиелен став дека Косово е Србија и дека власта на северно Косово била легитимна од гледна точка на Белград, но не и на меѓународната заедница.
Тој уште еднаш укажа на ставот дека Србија треба да влезе во ЕУ пред Албанија.
„Ако Србите не излезат на избори, градоначалник ќе им биде Албанец. Нека им е со среќа“, изјави Премиерот на Србија и додаде дека Србија е на удар затоа што им помага, но и дека не станува збор за статусот, туку за опстанокот.