42 загинати во немирите во Бангладеш, кои што избија откако судот за воени злосторства изрече смртна пресуда за Делвар Саједи.
Саједи е потпретседател на партијата Џамат-е-Ислами, а казната му беше изречена поради осум злосторства врзани за ослободителната војна со Пакистан во 1971 година.
Поради пресудата неговите приврзаници излегоа на улица каде се судрија со полицијата.
Демонстрантите ја нападнеле зградата на валадата, ги оштетиле железничките шините и им ги запалиле куќите на десетина провладини луѓе.
Владата соопшти дека се ангажирани дополнителни 10.000 војници за помош на полицијата.
Судот се соочува со обвинувања дека на нишан ги има само опозиционерите, а групите за заштита на човековите права тврдат дека постапките на судот се надвор од меѓународните норми.
Владата ги отфрла ваквите обвинувања и тврди дека судењата се неопходни за да се залечат раните од војната во кои според нивни податоци, биле убиени три милиони луѓе.