Позитивниот моментум што е создаден по потпишувањето на Преспанскиот договор треба се одржи и сочува. Фокусот треба да насочи на реформите во пресрет на јуни кога Советот на ЕУ ќе одлучува за отворање на пристапните преговори. Предвремените избори ќе го одземат тој фокус и потребната енергија, порача Кристијан Даниелсон, директор на Директоратот за соседство и преговори за проширување на Европската комисија, на денешната прес-конференција во ЕУ Инфо центарот.
„Фокусот треба да биде на испорачување резултати. Таму треба да бидат насочени напорите. Веруваме дека предвремените избори ќе го одземат тој фокус и нема да бидете во можност да ја дадете потребната енергија се со цел да се адресираат останатите отворени прашања. Тука зборуваме за реформите во судството, борбата со корупцијата и организираниот кринминал, реформата на безбедносните служби и функционирањето на јавната администрација“ рече Даниелсон.
Даниелсон нагласи дека освен донесени закони, треба да се види и имплементацијата односно спроведувањето на законите.
Премиерот и министрите кои се задолжени за областите во кои се спроведуваат реформите кои ги бара Европската Комисија пред Данилесон денеска рефереираа за сработеното во областа на човековите права, медиумите, безбедноста, судството и администрацијата.