Делегација на владејачката Демократска унија за интеграција (ДУИ) предводена од претседателот Али Ахмети, придружуван од вицепремиерот Муса Џафери, политичкиот советник на партискиот лидер – Артан Груби, како и портпаролот Бујар Османи во вторник ќе престојуваат во официјална еднодневна посета на Бугарија, јаува МАкфакс.
Притоа се најавува дека Ахмети ќе се сретне со бугарскиот премиер Пламен Орешарски, како и со министерот за надворешни работи на Бугарија, Кристиан Вегенин.
Од ДУИ известуваат и дека Ахмети ќе одржи предавање при Дипломатскиот институт на министерството за надворешни работи на Бугарија на тема 100 години по Балканските војни, помирување и интеграција.
Ахмети во изминатиот период престојуваше во САД каде што одржа средби во Белата куќа, Конгресот, Стејт департментот, Пентагон како и при постојаните мисии на САД, Велика Британија и Франција во Обединетите нации во Берлин ги посети министерството за надворешни работи и владата на Германија, како и во Албанија се сретна со премиерот во заминување Сали Бериша, идниот премиер Еди Рама, како и идниот претседател на албанскиот парламент, Илир Мета