Пресудата за случајот Груевски vs Петковски се очекува да биде соопштена денеска, во 12.30 часот во Основниот суд Скопје 2- тужбата на премиерот се однесува на изјавата за неделен Фокус на Петковски дека Груевски се согласил за промена на името.
Премиерот Груевски ова тврдење на Петковски во судницата го отфрли со зборовите:
– Овие невистини ги доживеав многу емоционално, со чувство на загриженост и внатрешен немир од можноста ова тврдење да биде прифатено- и само мал дел од мојата потесна и поширока средина, дека јас сум прифатил промена на името.
Тужителот пак, од своја страна не прифаќа дел од доказите на одбраната.
Г-динот Петковски подоцна ќе дава изјава и според репортерот на НОВА, Сашка Цветковска, се очекува процесот долго да трае, а не се исклучува можноста да се донесе пресуда уште денес.
Сепак, во изјава за интервју за НОВА Бујар Османи, портпаролот на ДУИ го истакна заедничкиот став на ДУИ и ВМРО-ДПМНЕ, односно на власта за неопходноста од промена на името.
Во најголем дел прашањата на одбраната, односно на адвокатот Миодраг Вујиќ кој го застапува Тито Петковски се одбивани, односно тужителот се противел на прашањата на одбраната во најголем дел, а судијата ги прифаќал приговорите на тужителот.
Тито Петковски во својот исказ изјави дека премиерот е човек што не трпи навреди, а своите јавни говори ги користи да навреди други луѓе. Тука судијата го прекинал Тито со образложение дека тоа не е предмет на судењето и треба да се зборува само за предеметот на тужбата – се однесува на изјавата за неделен Фокус на Петковски дека премиерот Груевски се согласил за промена на името.
Премиерот Груевски побарал од Петковски 15 000 евра за нанесување душевна болка.
Петковски оваа недела во интервју за НОВА изјави дека очекува да ја добие тужбата од Груевски.