Новинарот Денис Латин не го прекршил етичкиот кодекс со својот статус на ФБ од 4 август кога на граѓаните на Хрватска им го честиташе денот на победата но и денот на патриотската пљачка, одлучи етичкиот совет на Хрватската телевизија ХТВ.
„На сите ви го честитам денот на победата и денот на патриотскиот палеж и пљачка“ напиша познатиот хрватски новинар и уредник на ХТВ на 4 август годинава кога Хрватска го одбележува денот на победата против ЈНА која дотогаш под своја контрола држеше поголем дел од северно источната територија на Хрватска.
Операцијата на хрватската армија позната како Олуја во годините кои следеа ја проследија бројни контроверзи како и пресуди на Меѓународниот суд за воени злосторства во поранешна Југославија со кои беа обвинети офицери на хрватската армија за воени злосторства против српското население во Хртаватска.
Статусот на Денис Латин на ФБ предизвика бурни реакции во хрватската јавност што резултираше со пријава против Латин поднесена од негов колега во ХТВ до Етичкиот совет на националната телевизија.
По разгледувањето на преставката, Советот одлучи дека Латин не го повредил етичкиот кодекс бидејќи со неговиот истап на ФБ со честитките за државниот празник го изразил и своето огорчување од грабежот кој се случувал во текот на 20 години од хрватската независност кои се потврдени и со судски одлуки за воено профитерство, смета Етичкиот совет.