На последниот ден од емитувањето на аналоген ТВ сигнал во Македонија разговараме со претседателот на Советот за радиодифузија, Зоран Трајчевски. Тој најавува премин на емитување преку дигитален сигнал без проблеми и вели дека активностите течат редовно.
Граѓаните кои ќе имаат проблеми со приклучувањето на дигитален сигнал ќе можат да се јават на телефон во Агенцијата за електронски комуникации и во операторот ОНЕ.
Трајчевски стои на ставот дека на само 85 илјади домаќинства ќе им биде потребен дигитален приемник, односно на 15 отсто од вкупниот број. Сепак, со оглед на фактот што во земјава има само 270 илјади претплатници на комерцијални ТВ пакети од 570 илјади домаќинства, тој вели дека кабловските оператори не ги пријавуваат сите претплатници, односно дека прикриваат околу 150 илјади претплатници заради што се случува даночна евазија.