Независниот кандидат за градоначалник на иницијативата „За Наше Куманово“ Максим Димитриевски, од изборната Конвенција вечерва најави дека периодот 2021-2025 година ќе биде период на ренесанса и градба, за еден модерен и европски лик бидејќи тоа го заслужува Куманово и кумановци.
„Преземам обврска да продолжиме заедно со овој сериозен и квалитетен тим на кандидати за советници. Заедно со луѓето во општинската организација да работиме посветено за сите вас, во реализација на голем број инфраструктурни проекти. Периодот 2021-2025 година ќе биде период на ренесанса и градба за нашата општина за еден модерен и европски лик бидејќи тоа го заслужува Куманово и кумановци“, рече Димитриевски.
Во своето обраќање, тој ги најави следните проекти кои ќе се имплементираат по победата на локалните изборите на 17 октомври.
Изградба на 5 нови кружни текови на клучни локации.
Еден од приоритетите на инцијативата „За Наше Куманово“ е вложување во инвестиции во реконструкција на општинските училишта и подобрување на условите за образование зашто силата е во младите лица кои се авангарда на ова општество.
Следува изградба на три нови паркови на влез во село Проевце.
Нашиот план е целосно реконструирање на Спортска сала, Комплексот Соколана, Градскиот стадион и Спортскиот комплексот во Поранешен Дом на АРМ
Повозрасните граѓани мора да имаат подостоинствена старост. За таа цел, следува проширување на капацитети на Дом за стари лица “Зафир Сајто“ – Куманово на локација во с. Проевце и континуирано подобрување на условите во постоечките капацитети на Дом за стари лица „Зафир Сајто“.
„На 17ти октомври изберете број 80 за Максим Димитриевски за наше Куманово и број 61 за носителката на листа за советници Ивана Ѓорѓиевска за 61% на гласови и победа во првиот круг, рече Димитриевски.