Со 71 глас за и 40 против усвоен е дневниот ред на собраниската седница и почнува расправата по владиниот предлог за пристапување кон измена на Уставот.
Илија Димовски од ВМРО ДПМНЕ побара точката за промена на Уставот да се тргне од дневниот ред.
,,Нема легитимитет Собранието да влезе во оваа процедура, рече Димовски. „Никој не даде ветување за промена на Уставот. ВМРО ДПМНЕ во својата програма напиша дека нема да прифати промена на Уставот со цел промена на уставното име. И СДСМ ветуваше дека нема да се согласи со промена на Уставот, рече тој.
Според Димовски Собранието е должно да ја спроведе одлуката од референдумот кој бил неуспешен.
Предлогот на Димовски да се тргне точката од дневниот ред не беше усвоен. Против гласаа 69 пратеници, а за беа 39 пратеници.
По ова говореше премиерот Зоран Заев, кој го образлоѓи владиниот предлог за потребата од уставни промени.