Директорот на МЕПСО Муртезани за НоваТВ: Можно е струјниот дефект да го предизвика изолаторот на далекуводот Скопје4-Бунарџик што предизвикало палење на сува вегетација?!

Според Муртезани, заштитата на трансформаторите како најскап елемент во трафостаницата бил осетлив со цел да ги штити трансформаторите од оштетувања од надворешни макар и куси врски. Последниве две години се правела  реконструкција на трафостаницата при што и била заменета високонапонската опрема и ѝ била ставена нова заштита и СКАДА. Новата дигитална заштита, вели Муртезани,  била поосетлива  и како што посочува „може да кажеме дека ова беше тест за нејзино брзо реагирање“, но и дека посекако ќе требало да се преподеселе одредени заштити за подбра селективност.

Струјата која била на куса врска на далекуводот за Бунарџик, на кој се случил дефектот, можело да достигне до 1.000 пати поголема вредност од струјата која е  во нормална напонска состојба, информира директорот на МЕПСО. За да се прекине таа струја, требало да се исклучи напојувањето со помош на прекинувачи од двете страни на далекуводот. Во ситуација, на некое место да имало влага, магла, пареа од загревање, иако кратко време, било сосема доволно за да се пробие воздушната изолација и да настане прескок кон земјата. Ова вели Муртезани, е најверојатно причината што довела до палење на сувата вегетација. Затоа се појави пожар на место оддалечено од она каде што е настанат дефектот, а е на истиот далекувод. За кусо време била воспоставена напонската состојба по што до доцните саати се работело на отстранување на дефектот на далекуводот Бунарџик кој целосно бил отстранет во 03:30 часот по што жителите на Бунарџик како и индиструската зона добиле напојување со електрична енергија, информира за НоваТВ директорот на АД МЕПСО, Орхан Муртезани.