Минатата ноќ Вилијам ја мина во болница, во одвоена соба, веднаш до својата жена Кејт и новороденчето – идниот англиски крал.
Денеска попладне младиот брачен пар би требало да напушти болницата Ст. Мери, а британската јавност е во големо исчекување, зашто младиот принц би требало да му биде покажан на целиот свет.
Исто така денеска треба да биде соопштено и името на малиот принц, а засега меѓу фаворитите се спомнуваат Џејмс, Џорџ и Хенри.
Правата ноќ на животот на принцот беше многу невообичаена после најжешкиот ден оваа година, над Лондон молскаа молњи. И покрај моилњите, громивите и повремените дождови народот славеше на улиците до доцна во ноќта.
Синот на Кејт и Вилијам е трет по ред наследник на тронот, иако владетел нема да стане наредниот половина век.