Потпретседателот на САД Џо Бајден пристигна во Киев за разговори со вршителот на должност претседател на Украина и со премиерот. Неговата посета доаѓа во време кога ситуацијата во источна Украина останува напната, и покрај договорот за намалување на кризата.
Официјални лица од Белата куќа соопштија дека Бајден ќе дискутира за напорите на меѓународната заедница да и` помогне на Украина да се придвижи кон спроведување уставни реформи, и за тоа што официјални лица од американската влада велат дека ќе бидат слободни и фер претседателски избори на 25-ти мај.
Еден украински војник е ранет, а двајца се заробени денеска во оружен инцидент во градот Доброполск во Украина. Како што соопшти украинското Министерство за одбрана армијата која обезбедува државна зграда во градот Доброполск била цел на оружен напад.
Вчера примирјето беше траеше само неколку часа пред да се слушне престрелка на пунктот во прорускиот источен град Славјанск. Пет лица биле убиени. Не е јасно што се случило.
Украина ги обвини руските специјални лица за нападот. Но, министерот за надворешни работи Сергеј Лавров возврати дека украинската влада нема намера да ги контролира екстремистите, за кои рече, дека стрелаат врз невооружени цивили.