Антикорупциската комисија ќе го испитува начинот на кој биле доделувани и избрани канцелариите кои ги користат поранешните претседатели Ѓорге Иванов и Бранко Црвенковски.
Иванов откако му заврши мандатот, доби канцеларии во станбените згради на Џевахир Холдинг, а за кои трошоците ќе се покриваат од државниот буџет.
Компанијата „Турмак“ АД – Подружница Скопје и Службата за општи и заеднички работи попладнево склучија договор за закуп и користење опремен службен простор за потребите на поранешниот претседател Иванов.
Како што беше соопштено, месечниот закуп за канцеларијата на Иванов во „Џевахир“ ќе чини 1.950 евра, односно 23.400 евра во период од 12 месеци.
Деловниот простор е со површина од 274 квадратни метри и е изнајмен на една година.
Комисијата со предметот што го отвори ќе го проверува и начинот на исплата на патните трошоци на пратениците, користењето репрезентативен материјал и користењето службени возила.