Доцни исплатата на социјална помош и нега од трето лице. Семејствата кои се на рaбот на егзистенција и примаат социјална помош, како и болните кои примаат парична помош за нега, реагираат бидејќи Министерството за труд и социјала се уште ја нема извршено исплатата.
Во редакцијата на НОВА се јавија повеќе граѓани кои велат дека зачести доцнењето на исплатата на оваа категорија граѓани. Токму на вчерашниот ден Водици, кога македонскиот народ славеше со богати трпези, во НОВА револтирано реагираше жена, примателка на социјална помош.
„ Ова е уште еден долг, гладен ден кој ги чека семејствата на оваа категорија граѓани. Еден од низата многу вакви денови. Господ знае или и тој се збунил, вели низ солзи оваа жена чиј идентитет е познат на редакцијата, но го заштитивме за да нема реперкусии.
Минатиот месец повеќе пати реагираа и тешко болни граѓани кои надоместокот од трето лице го немаа добиено со месеци. Еден од нив е 46 Н.Т. кој боледува од мултипла склероза и е прикован за кревет се пожали дека неколку месеци не му се исплатени парите за нега од трето лице.
„ Во Министерството за социјала ми рекоа дека има проблем со трансакцикита сметка, па со личната карта, но ништо од тоа не беше причината бидејќи имам доставено и трансакциска сметка и нова лична карта. Исплатата за ноември ги добив во декемрви, но за претходните месеци се уште не ми е исплатено. Тие средства ми се неопходни за лекови, за пелени, вели нашиот соговорник.
Од Министертвото за социјалата пак велат дека исплатата за надоместокот за нега од друго лице се одвива редовно и тековно. Од таму највија дека во текот на денот ќе им биделе исплатени средствата.
„Извршена е исплатата на ова право до крајните корисници на трансакциска сметка. Средствата ќе ги добијат во текот на денешниот ден на своите сметки. Како причина за привремен прекин на исплатата на правото, може да биде датумот на контролниот преглед на корисникот за обнова или продолжување на правото, поврзување на трансакциска сметка со социјален број издаден од Центарот за социјални работи. Во таков случај странката може да се обрати во надлежниот Центар за социјални работи, за регулирање на исплатата, се вели во одговорот од Министерството за труд и социјала.