Лекарскиот тим во болницата во Гренобл ги намалува лекарствата со кои Шумахер се одржува во вештачка кома по скијачката несреќа, за да започне процесот на будење, јавува Си-Ен-Ен.
„Му ја намалија дозата на лекови за да започне процесот на будење, кој може да трае долго“, изјави неговата агентка Сабине Кем.
“За заштита на семејството, тоа беше првично договорено од страна на заинтересираните страни да ја даде оваа информација откако беше консолидирана состојбата.
Забележете дека повеќе информации нема да бидат дадени”, додаде Кем.
Една од причините за намалувањето на лекарствата е и обидот да се утврди дали е намален отокот во неговиот мозок и да се оцени кои од функциите се одржани.
Освен што се држи под седативи и температурата на телото на Шумахер се одржува меѓу 34 и 35 степени Целзиусови за да се намалат отоците во мозокот, да се намали потрошувачката на енергија, како и да се овозможи одмор.
45-годишниот Шумахер тешко се повреди на 29 декември минатата година додека скијаше во францускиот ресорт Мерибел. Досега двапати беше опериран во болницата во Гренобл, а во кома е повеќе од четири недели.