Сертификат за вакцинација, потврда за прележан коронавирус или негативен тест ќе бидат услови за старт на новата учебна година во Грција.
Задолжителен документ за ковид-19 (сертификат за вакцинација, потврда за прележан корона вирус или негативен тест) – ќе бидат услови за старт на новата учебна година во Грција, која ќе стартува на 13 септември, а ќе се одвива со физичко присуство на учениците и студентите.
Од Министерството за образование на Грција, информираат дека просветните работници, односно за наставниците и професорите, како од училиштата, така и од универзитетите задолжителен е сертификат за вакцинација или потврда за прележан ковид-19 во последните шест месеци или негативен лабораториски тест два пати седмично, што ќе биде на нивни товар, а истите правила важат и за студентите.
Сертификат за вакцинација, доколку се постари од 12 години, потврда за прележана болест во последните шест месеци или изјава по направен селф тест, задолжителен два пати седмично.
„Ги охрабруваме членовите на образовната заедница кои сè уште не се вакцинирале да побрзаат, пред почетокот на новата учебна и академска година, да го искористат овој штит на заштита од коронавирусот. Целта на сите нас е заштита на индивидуалното и јавното здравје и непречено функционирање на нашите образовни структури“, соопштуваат од Министерството за образование на Грција.
Протоколите по кои ќе работат училиштата и факултетите ќе бидат детално соопштени непосредно пред почетокот на учебната и академската година.