Осум години по убиството на Ана Политковскаја, новинарката која беше критично настроена кон Кремљ, егзекутерите се осудени на доживотни затворски казни. Сепак, по нарачателите сѐ уште се трага.
Судот во Москва соопшти дека организаторот на убиството Лом-Али Гаитукајев и извршителот Рустам Махмудов добија доживотни казни затвор, додека дека три други лица вмешани во убиството добиваат казни во траење од 12,14 и 20 години во казнен логор.
Обвинителството за тројцата последни обвинети бараше повисоки казни, додека одбраната за сите петмина бараше ослободителна пресуда, поради недостиг на докази, најавувајќи дека ќе ја обжали пресудата.
.jpg)
Ана Политковскаја
Новинарката Ана Политковскаја беше убиена на 7 октомври 2006 година. Семејството на Политковскаја, како и нејзините колеги од весникот „Новаја Газета“, критички настроен кон Кремљ продолжуваат да трагаат по нарачателите. Според некои од борците за човекови права, трагите до нарачателите можеби водат дури и до владините кругови во Русија.
Извор: Дојче веле на македонски