Партиите што се дел од Владејачката коалиција и дел од изборната коалиција „ Најдоброто за мојата општина“ денеска преку соопштенија ја потврдуваат соработката со СДСМ и го повикуваат членството и симпатизерите во вториот круг од локалните избори да ги поддржат кандидатите предложени од оваа коалиција. Истовремено во своите писмени објави ја гарантираат стабилноста на парламентарното мнозинство. Еве што меѓу другото во своите информации до јавноста пишуваат Демократската партија на Турците, Пцер и Сојузот на Ромите.
– Шпекулациите околу стабилноста на владиното мнозинство, ние како партија која успеа да ги постигне поставените цели на локалните избори, ги толкуваме како манипулација на јавното мислење од страна на неколку портали пред вториот круг. Како сериозна партија со 30 годишно искуство ДПТМ за политичкото делување одлуките ги носи на партиските органи по сопствено убедување на нашето членство а во интерес на граѓаните кои ги застапува. Затоа ни еден субјект во оваа држава нема право и нема да дозволиме да шпекулира во и со наше име. Како партија ние сме дел од владеачкото мнозинство кое успеа да ги реши историските пречки на патот кон НАТО и ЕУ на нашата земја. Исто така се залага за квалитетен и еднаков живот на сите кои живеат во оваа земја која е милтиетничка и мултикултурна држава. Како Демократската Партија на Турците потврдуваме дека Владината коалиција е стабилна и работи исклучиво во интерес на граѓаните. Напредокот на земјата е нашата највисока заедничка цел. Македонија продолжува напред со стабилна Влада по демократскиот и европскиот пат.
Еве што меѓу другото се наведува во реакциите на партиите ПЦЕР и Сојуз на Ромите.
– Даваме силна и јасна поддршка на владината коалиција предводена од СДСМ. Kако нејзин сериозен партнер, ќе продолжи и понатаму да соработува и придонесува за подобрување на животот и стандардот на сите граѓани во Македонија. Како дел од владиното мнозинство, нашата заедничка цел е напредокот на нашата земја во сите сфери, а особено во делот на економијата, вработувањето и влезот на Македонија во Европската Унија,“ се додава во соопштението.Покрај соработката на национално ниво, со СДСМ интензивно соработуваме и на локално ниво. На 31 октомври, на вториот круг од гласањето за локалните избори, СРМ како партија со своето членство, ја дава целосната поддршка за заедничката коалиција „Најдоброто за мојата општина“ се наведува во денешното соопштение од Сојузот на Ромите.
– Владината коалиција е стабилна, владиното мнозинство е стабилно и работиме исклучиво во интерес на граѓаните. Продолжуваме за подобро заедно со нашиот коалиционен партнер СДСМ“, соопштуваат од Партијата за еманципација на Ромите, ПЦЕР.