Претседателот на Српската напредна партија во Македонија, Драгиша Милетиќ соопшти дека ја напушта пратеничката група на СДСМ и продолжува да дејствува во Собранието како независен пратеник.
“Ја напуштам пратеничката група на СДСМ и ќе делува како самостоен пратеник на СНС. Причината е јасна, зошто ја напуштам пратеничката група. Уште тогаш решив да ја напуштам коалицијата, пред локалните избори, кога СДСМ реши да ги бојкотира. Од сега па натаму ќе настапувам како конструктивен пратеник, тоа значи дека ќе ги прифаќам сите предлози и од Власта и опозицијата кои се во интерес на граѓаните“, рече Милетиќ
Милетиќ не открива дали ќе формира нова пратеничка група заедно со тројцата пратеници на ПЕИ и Ивон Величковски од Либералната партија.
НОВА дознава дека и по овој потег на Милетиќ, доколку од пратеничката група излезе и Ивон Величковски од ЛП, Тито Петковски, претседателот на НСДП, има поддршка од други лидери за да продолжи да функционира неговата пратеничка група во Собранието.