Дубаи: Отворен „најголемиот аеродром во светот“

Авионската индустрија на Дубаи, во неделата го прослави пристигнувањето на првиот комерцијален лет на новиот аеродром во Емиратите.

Лоциран во Џебел Али, „авијацијски град“ кој владата го започна како слободна економска зона, Меѓународниот аеродром „Ал Мактум“ се очекува да стане најголемиот аеродром во светот по завршувањето на сите градежни активности.

Аеродромот е во сопственост на владата во Дубаи.

Иако целосните комерцијални патнички услуги беа првично закажани за 2017 година, мега-проектот беше одложен неколку години поради регионалната финансиска криза.

Различни извештаи, вкупните трошоци ги проценуваат на 120 милијарди дирами (32,67 милијарди долари).

Аеродромот е веќе отворен за карго летови од 2010 година.