Денеска во Белград се одржува заедничка седница на српската и на македонската влада, но без министрите од ДУИ. Албанските медиуми известуваат дека не се работи а бојкот, туку за веќе планирани активности на министрите на ДУИ.
Темите на маса на двете влади се унапредување на регионалната соработка за придвижување чекор понапред на евроинтеграцискиот пат, а и развој на економската соработка и на трговската размена, неколку конкретни инфраструктурни и енергетски проекти, настап на трети пазари и соработката во земјоделството, здравството и културата.
Овие потези на македонската влада се оценети како потврда за желбата и волјата за унапредување на добрососедството и регионалната соработка.
Станува збор за прв ваков тип на седница на македонската влада со нивните колеги од регионот а следните седници се со Косово, Албанија и планот е и Бугарија, но се уште не е добиен никаков одговор.