Еден тинејџер во Кент и еден човек во Ватфорд се жртви на силната бура која деновиве зафати делови на Велика Британија. Двете жртви настрадале од паѓање на дрвја, а 17-годишно девојче претрпело фатални повреди кога паднало дрво врз неа додека спиела во Хевер, Еденбриџ, јавува Би-Би-Си.
Околу 220.000 домови се без електрична енергија, додека железничкиот сообраќај е во прекин низ голем дел од јужна Британија, кадел силните ветришта кршат дрвја.
Мрежа железничко изјави дека штетата е “полошо од очекуваното”, додека 130 летови се откажани на аеродромот Хитроу. Два траекта со над 400 патници се блокирани во Ламанш.
Метеоролошката служба соопшти дека ветрот корнел дрвја рано утрото и имал брзина од 160 километри на час, а ширум Англија и Велс регистрирани се 152 поплави и издадено е предупредување за уште 13 поплави.
Метеоролози наведуваат дека бурната се движи од југ кон внатрешноста на Велика Британија и се очекува до попладне да стигне до Северното Море.