По сензационалната победа на фудбалската репрезентација на Македонија над Италија со 1 спрема 0, македонските песни, освен на трибините, синоќа но и денеска ечеа и по улиците среде Палермо, но и низ други градови во Италија.
На едно од видеата се гледа дека ниту Италијанците не останаа рамнодушни на македонските песни, па, еве, некои од нив и заиграа…
Македонската Фаланга од се срце ги бодреше фудбалерите, а „експлозија“ од емоции се случи кога Александар Трајковски го постигна победничкиот гол на само три минути пред крајот на натпреварот, во судиското продолжение.
(Извор: Спортманија, Спорт)