Еден убиен и пет повредени во источниот дел на Украина по пресметката помеѓу специјалните сили и про-руската милиција, во таканаречена „анти-терористичка операција“.
Актуелниот министер за внатрешни работи, Арсен Аваков преку Фејсбук соопшти дека е убиен полицаец во Словјанск, каде полициската станица вчера беше заземана од непознати вооружени лица.
Немирите во Словјанск и индустрискиот град Доњецк се последните места каде што растат тензиите во источна Украина, каде што голем дел од популацијата зборува руски јазик и го поддржуваат поранешниот претседател Виктор Јанукович.
Москва синоќа го предупреди Западот дека секаква воена акција во Словјанск би ги откажала најавените преговори за политичко решавање на проблемите во Украина.
Американскиот државен секретар, Џон Кери, од друга страна на предупреди Русија дека ќе сносат „дополнителни последици“ доколку не се смираат навремено тензиите во Украина и дека руската војска треба да се повлече од границите.