Денеска започнува судскиот процес против соборениот египетски претседател Мохамед Морси. Обвинет е за поттикнување убиства на демонстранти кои протестирале против неговото владеење.
Морси, кој е првиот демократски избран шеф на државата во историјата на Египет, се наоѓа во притвор на тајно место, а денешното појавување пред суд ќе биде прво негово излегување во јавноста откако е уапсен во јуни годинава.
Судските рочишта ќе се одржат под зајакнати мерки за безбедност во полициската академија во Каиро. Морси ќе биде транспортиран со хеликоптер до и од импровизираната судница.
Полицијата планира денеска да распореди 20.000 свои припадници низ улиците на Каиро, јавуваат светските агенции.